Mior sei e herrlichor Haufn mehr oder mindor jungor Vuchtländor, die is siech zr Aufgab gemocht ham de vuchtländische Kultur in Dresdn huoch ze haltn.
Abor wie kams eischentlich zr Vuchtlandfete?
In de friehn 90er Goar ham siech mehr und mehr gunge Vuchtländor aufgemacht um in Dresdn ze studiorn. Irgendewann hammse siech dann gefrocht, was machmorn eischentlich zr Weihnachtszeit um de gude vuchtländische Tradizion a hior net ze vrnachlässichn.
Sue hat siechs zugetrong, daß siech 1993 als is aufs Ende vom Goar zu ging,
e paar Vuchtländor drinne ne Club Hängematte getroffn und eweng simbeliort ham,
wassmor do emol machn kennt.
Am Afang wars ner e fröhlisches Zesammesitzn mietn aan odor annorn heimischn Bior und ne Trellorn von unnorn schienen vuchtländischn Weihnachtsliedorn.
Und sue hat siech de Fete iebor de Goar ze demm entwickelt wasses heit is, is wichdischste vuchtländische Kulturgut außorhalb (und eischendlich a innorhalb) unnoror Staatsgrenzn.
Mior welln DIESCH!
Natierlich macht de Bewahrung unnors vuchtländischn Kulturschatzes a eweng Arweit.
Abor die macht siech bekanntlich net vo alaa. Und so sung mior immor indoressiorte Leit,
die Lust ham miet uns gemeinsam 2 Mal im Goar die scheene Tradiotion dr Vuchtlandfete dra ne Lehm ze erhaltn.
Hast a du Lust dra dr vuchtländischn Sproch und Kultur? Stesst du gern drauf dr Bühne?
Dann meld diesch bei uns untor vogtlandfete@vogtlandfete.de.
Treffn dunne mior uns ab Semestorbeginn immor dienstochs ab 20 Uhr drinne ne Studentenclub Wu5 in dr August-Bebel-Stroß 12 in
01219 Dresdn.
Alles zim Studentenclub Wu5 findetor a drinne ne Gesichtsbuch.